阿Wing養狗大法
為了讓「芝治」能夠健康開心成長，三位大男孩在接走「芝治」當日，就在朱偉霖與太太「阿Wing」合力經營、位於太子警察俱樂部附近的寵物店，逗留了超過句半鐘，不停向老闆娘「阿Wing」問長問短，「阿Wing」將心得一一傳授，沖涼液、狗糧、零食等都詳細交帶。佢仲話：「隻『金毛』係經我手出去嘅，我都想佢之後生活得好。佢哋問得咁仔細我都好開心，反映佢哋想做負責任嘅主人。」
化學嘢愈少愈好
「阿Wing」強調並非貴價貨一定啱用，最重要注意沖涼液的成分，最理想使用一些純天然成分的沖涼液，化學成分愈少愈好。「揀沖涼液真係要好小心，如果唔係搞到狗狗皮膚敏感就好麻煩。」「阿Wing」又提醒主人千萬不要與寵物「分享」沖涼液，因大部分人用的沖涼液正正含有許多化學成分：「一次都唔好試呀！」
純天然成分最佳
跟沖涼液一樣，「阿Wing」認為大家買狗糧時，一定要細閱包裝袋上的成分，最好是純天然成分，並無「動物副產品」、化學防腐劑、味精及人造色素，她補充：「狗狗食得健康，自然少啲病痛！」因建議購買沒有防腐劑的狗糧，「阿Wing」提醒大家不要一次過買太大包，以免變壞。
烚雞肉健康有益
「阿Wing」謂許多主人都喜歡為狗狗購買各式各樣零食，惟她本人卻不太建議，畢竟普通零食都含大量色素，部分更難消化、甚至完全無法消化，輕則肚仔不舒服，重則對生命構成威脅，她說：「其實用清水烚熟雞肉做零食，狗狗已經好開心，又有益！」