網球天后舒拉寶娃與前NBA湖人球員男友胡查錫正式宣布結婚！兩人於前年十月訂婚後，終決定在今年十一月十日在土耳其城市伊斯坦布爾舉行婚禮。點解係土耳其？因為胡查錫現効力土耳其超聯球隊艾菲斯，於是乎，寶娃就嫁雞隨雞嘞。
寶娃與胡查錫嘅戀情，早在09年底已被公開，10年十月，胡查錫在曼哈頓家中以NBA總冠軍指環提出訂婚，獲寶娃答應。之前有報道指寶娃父親尤里舒拉波夫唔鍾意胡查錫，嫌佢唔係有錢人，亦只係NBA奀星，遠遠比唔上寶娃嘅富豪前男友查理艾貝索爾。
冇錢冇名氣唔緊要，寶娃鍾意就得啦。去年十月寶娃前往伊斯坦布爾參加WTA年終總決賽，順道同愛郎共度一段日子，當時寶娃已經話好鍾意伊斯坦布爾架嘞。