渡海濠情：囡囡愛爆料 選舉有高潮
今日終於到咗選舉三雄會戰嘅大日子，最後鹿死誰手暫時都仲未知道，但嚟自澳門金池桑拿嘅靚女婷婷，佢都話好緊張，令佢回憶起那些年喺學校選班長嘅情景，佢話自己高中時有份提名，緊張到月事到訪嘅日子都遲咗幾日，有冇咁誇張呀？
腳踏兩船
婷婷話：「記得當年選班長，我哋一樣負面新聞滿天飛，特別係誠信問題，好似我有個對手就畀人話佢有感情缺失，話佢曾經一腳踏兩船，但個女仔根本咁大個女都未拍過拖，真係戥佢難過，而我都唔好得去邊，竟然傳我僭建過，我自細就胸部發達，根本唔使改建乜嘢，但有對手就話我講大話，話我一個暑假唔見，返嚟就大咗兩吋咁多，人哋發育正常，佢冇我發育得咁好，呢層又怪得邊個！」咁婷婷又有冇發放啲乜嘢黑材料呢？婷婷話：「我都唔執輸話對手有次同黑學生出席派對！」
順利當選
嘩！咁似今次嘅選舉？婷婷話：「對手有次同同學仔去郊外進行燒烤派對，期間有個退學嘅懷疑黑學生出現，仲坐埋嚟一齊玩，呢件事畀我個朋友見到，於是話畀我聽，懷疑對手勾結黑學生，出席派對恐嚇班上嘅同學要投佢一票，事後事件愈鬧愈大，亦因為有呢啲黑材料，所以我喺嗰屆順利當選班長。而選舉最精彩嘅地方，就係有好多黑材料爆咗出嚟，好似今年咁就好睇過電視劇啦。」你就睇得開心，都唔知幾多人擔心死呀！
婷婷 小檔案
年齡：21歲
三圍：35、23、35
興趣：爆料
撰文：賢
攝影：阿昌