港隊小組全勝 強勢爭銀盾
全世界的Super Hero如蝙蝠俠與羅賓、蜘蛛俠同神奇女俠等昨日齊集香港大球場，為「國泰航空／滙豐香港國際7人欖球賽」打氣。主場的香港在一班奇人異士撐場下有出色表現，小組賽先以26比7擊敗湯加，繼而以29比5再勝中國，連同前日力挫烏拉圭，歷史性取得3連勝勇奪首名出線。今日上演銀盾爭奪戰，期望在多位正義朋友見證下可以繼2010年後再度捧走錦標！（無綫高清翡翠台及明珠台今晨8時55分起直播）
先贏湯加再勝中國
7欖次天賽事共吸引39,085人入場，場面同首日一樣咁墟冚，「18禁」南看台早上開場後10分鐘已宣告滿座。入場球迷都個個悉心打扮，由於香港將上演關於漫畫英雄的電影《復仇者聯盟》，故大家都醒目的以這些正義朋友作扮嘢主題：男、女超人啤酒不離手、神奇女俠竟然搭上蜘蛛俠，閃電俠、忍者龜High爆觀眾席，就連日本的孫悟空都要來「Crossover」湊熱鬧。
港隊得到咁多「正能量」支持，當然有出色發揮，首場對湯加雖先失分，但其後有姚錦成、A希恩斯和艾摩亞等先後達陣成功，最終反敗為勝。及後迎戰中國由頭帶到尾勝29比5，歷史性完成小組3連勝，今天早上將會於8強和日本爭準決賽資格。
今鬥日本破敵有計
賽後港隊教練戴里斯表示對不同球隊有不同策略：「日本是老對手，近6次對賽是3勝3負，面對這支亞洲強隊，我們會以防守為主。」對湯加先為港隊達陣的姚錦成表示很高興有兩名華人達陣成功：「我和郭嘉進都各有一次達陣，證明我們華人打欖球都可以有好表現，未來希望有多些華人球員參與，齊齊為港爭光。」
其他賽事方面，新西蘭先後以24比7及19比10挫威爾斯和南非，出線銀盃8強會對威爾斯，其餘勁旅如斐濟、英格蘭、澳洲等亦全部順利出線盃賽8強。
今天焦點賽事
銀盾8強
9:44am 香港 Vs 日本
10:06am 西班牙 Vs 湯加
10:28am 加拿大 Vs 俄羅斯
10:50am 葡萄牙 Vs 津巴布韋
銀盃8強
11:12am 斐濟 Vs 阿根廷
11:34am 澳洲 Vs 英格蘭
11:56am 薩摩亞 Vs 南非
12:18pm 新西蘭 Vs 威爾斯
銀碗準決賽
14:21pm 蘇格蘭 Vs 美國
14:43pm 肯尼亞 Vs 法國
17:02pm 銀盾決賽
17:30pm 銀碗決賽
18:00pm 銀碟決賽
19:00pm 銀盃決賽
19:25pm 銀盃頒獎禮
昨日主要賽果
澳洲 29:14 蘇格蘭
英格蘭 21:17 肯尼亞
湯加 7:26 香港
斐濟 26:12 法國
新西蘭 24:7 威爾斯
薩摩亞 27:0 阿根廷
香港 29:5 中國
斐濟 22:5 澳洲
新西蘭 19:10 南非
薩摩亞 14:12 英格蘭