J.Lin瘋捲騎士

（周四早上8時30分開賽）

雖然林書豪今屆冇份打明星賽正賽，但由佢所帶動嘅「林瘋」熱潮，明顯為今屆明星賽增添了不少色彩，就好似一向只屬「頭盤」嘅新秀賽都因「林瘋」而產生話題性。據電視台TNT公布，今屆全美收視率高達1.7，估計有270萬人收看，創下新秀賽成立27年以來收視新高。至於正賽同樣報捷，收視率5.4排在明星賽史上第2高。

連續20日報道誇到爆

其實今屆明星賽之所以大受關注，多少都因「林瘋」而起，傳媒每日圍繞「林瘋」、報道「林瘋」，就連各位星級球員，出席活動時都例牌要答「林瘋」問題。林書豪已連續20日出現在紐約報章《每日新聞》封底。

紐約人深明林書豪已成了金蛋，所以希望主場館麥迪遜廣場公園嘅翻新工程能夠盡快竣工，以舉辦2015年明星賽，而該翻新工程已花了紐約人8億美元（約62億港元）。另一方面，紐約人日前在球隊twitter，上載了林書豪與高比拜仁早前出席贊助商活動時嘅相片，當時高比正在擁着J.Lin在耳邊說話，紐約人將相片形容為「必成經典」。

攬高比照「必成經典」

林書豪明早帶領紐約人迎戰騎士，意味將要硬撼同位置嘅狀元艾榮。其實兩人日前先喺新秀賽碰頭，可惜當時J.Lin為爭取休息只係「hea打」，交手機會唔多，而艾榮亦因此而大爆發取得新秀賽MVP。不過論整體實力，紐約人始終在騎士之上，加上有主場優勢，讓4.5分可照捧上盤。

本報綜合報道