史上最爛入樽賽 全城喪插

冇咗「入樽王」格芬坐鎮果然出事！一向都係全明星賽周末重頭戲嘅入樽賽，今屆被評為「史上最削」，全因4位「大茄」參賽者毫無新意之餘，技術又未到家，惹來全城劣評，一向愛入樽嘅紐約人後衞JR史密夫更喺twitter狂轟今屆入樽賽係垃圾！最終爵士大後備謝路美伊雲斯靠「抄」奪得殊榮。
個個都係Copy Cat<br>謝路美伊雲斯手揸雙波入樽係抄麥基嘅，之後再施展郵差馬龍式入樽，結果畀佢勝出。（法新社圖片）<br>抄襲指數：★★★★
個個都係Copy Cat
謝路美伊雲斯手揸雙波入樽係抄麥基嘅，之後再施展郵差馬龍式入樽，結果畀佢勝出。（法新社圖片）
抄襲指數：★★★★

謝路美伊雲斯靠抄Dunk王

今屆入樽賽抄襲成風，効力火箭嘅布丁加就模仿92年太陽名將些巴路斯蒙眼入樽，而溜馬保羅佐治嘅左手入樽、右手貼貼紙則明抄杜域侯活，全無新意可言。至於木狼新秀戴歷威廉士就最「頂癮」，第3輪幾乎炒足10次樽，最終因時間無多惟有「求其」鋤樽了事，技術完全未到家！

不足一周前才獲補選參賽嘅爵士後備謝路美伊雲斯，第2輪跳過隊友希禾特之後雙手連環鋤樽，繼而能在第3輪穿上馬龍戰衣施展「郵差式」入樽，雖然一味抄橋，但仍獲300萬選票中嘅29%支持率，榮登入樽王殊榮。今季平均只為爵士上陣5.6分鐘嘅佢，賽後話自己只係用咗3個鐘備戰，贏到真係不可思議。

舊年格芬飛越汽車，今年戴歷威廉士就拎架電單車做道具。（美聯社圖片）<br>抄襲指數：★★★★
  • 舊年格芬飛越汽車，今年戴歷威廉士就拎架電單車做道具。（美聯社圖片）
    抄襲指數：★★★★
布丁加幪住雙眼反手入樽好似好勁，其實呢招些巴路斯一早用過。（美聯社圖片）<br>抄襲指數：★★★★
  • 布丁加幪住雙眼反手入樽好似好勁，其實呢招些巴路斯一早用過。（美聯社圖片）
    抄襲指數：★★★★
保羅佐治入樽之後貼貼紙喺籃板度，但呢招其實係杜域侯活原創嘅。（美聯社圖片）<br>抄襲指數：★★★★
  • 保羅佐治入樽之後貼貼紙喺籃板度，但呢招其實係杜域侯活原創嘅。（美聯社圖片）
    抄襲指數：★★★★

至於盛傳會飛過「小巨人」1:1紙牌鋤樽嘅布丁加，就似乎想賴姚明「唔幫拖」先落敗：「本想唔飛紙牌飛真人嘅，但係姚明嚟唔到，佢話有嘢做，咁有乜計啫？」而紐約人後衞JR史密夫就透過twitter狂轟賽事：「今次係有史以來最垃圾嘅入樽賽，好心聯盟就咪再搞啦！」

路夫爆冷稱霸3分賽

另方面，馬刺控衞柏加在技巧賽決賽中以32.8秒力壓朗度34.6秒成為冠軍，第3次參加技巧賽終於圓夢奪標。至於3分球大賽，木狼前鋒路夫在決賽以17分擊敗杜蘭特14分，爆大冷獲得今屆冠軍。

NBA賽程（香港時間）

時間　主隊Vs客隊　讓分　推介

周一8:00am　東岸明星隊Vs西岸明星隊　東讓2.5分　東岸

高清翡翠台、now 635直播

本報綜合報道