同屬美籍華裔運動員嘅網壇名宿Michael張德培，早就透過妻子嘅朋友認識林書豪，Michael向傳媒自爆曾經指點過書豪：「我畀咗佢好多成為職業運動員嘅建議，好多人都睇唔起我哋呢啲華裔運動員，只要相信自己同加倍努力，肯定可以獲得成功，我覺得J.Lin做到啦！」另外，J.Lin日前受訪亦透露有興趣同費天王會面，雖然佢唔係網球忠實粉絲，但費達拿同拿度都係佢欣賞嘅人物。