香港球員都得架
柏良去年離開飛馬後返回台灣，今次再度出外搵食，係挑戰水平更高嘅中甲，台灣傳媒報道佢為咗踢中甲，毅然辭咗台電份工，不過佢喺深圳份糧都唔錯架！據報年薪有成7位數字新台幣添！柏良年僅23歲，但已先後去過日本試腳同過嚟香港發展，依家再「升呢」挑戰中甲，總之就唔留喺台灣做山寨王。
其實以柏良嘅水準，唔少香港球員都有，柏良都去得踢中甲，香港球員都冇話唔得，但係有柏良咁好波，卻未必有佢嗰份膽識，香港多年來淨係得吳偉超北上發展，暫時仲未見有第二個。唔計「黑哨假波」等場外因素，中甲水準肯定高過港甲，好球員志在四方，祝願柏良嚟緊有更好發展，亦希望有料嘅港將認真考慮吓啦。
波男