副選發功南華飛馬入4強

鄭禮騫2入球1助攻

南華上周在銀牌決賽飲恨得亞軍，該仗鄭禮騫無緣上陣，來到聯賽盃終於等到機會，昨仗他獲正選上陣，表現突出。開賽5分鐘陳偉豪為南華打開紀錄，其後鄭禮騫兩度接應陳肇麒二傳近門建功，南華半場領先3比0。換邊後鄭禮騫助攻回饋「陳七」射成4比0，大勢已去的大埔在比賽末段趁南華戰意稍鬆下，由基頓及高美斯追至2比4完場。

頭場天水圍飛馬鬥深水埗，開賽2分鐘李康廉為飛馬先開紀錄，深水埗完半場前憑李家豪個人表演追成平手，之後兩隊再無進帳，須加時再戰。

深水埗比達力阻飛馬麥基（左）前進。

南華前星級外援畢特現身旺角場引來哄動，擁南躉爭相搵佢簽名影相。

麥基加時連中三元

加時階段輪到麥基發威，他在加時上下半場連中三元，協助飛馬大勝4比1，成為球隊晉級頭號功臣。飛馬贏波後將與晨曦對公民的勝方爭入決賽，下線的南華則會遇上屯門對傑志的勝方。