下月13日便滿39歲的「亞洲車神」黃金寶，昨於吉隆坡亞洲單車賽男子個人公路賽力壓群雄，繼01年後再踏亞洲之巔，盡顯老而彌堅！
阿寶在179.2公里的賽事，與來自24個國家和地區的車手角逐，港隊同時派出陳振興、高肇蔚和楊英瀚上陣。阿寶說：「今次贏在戰術部署，每次有人突圍，我哋四個都會輪流跟出去，令其他對手追趕消耗體力，臨尾陳振興等突圍，最後5公里，我同一個台北車手合作追前，至終點800米至1公里，我發力連追帶衝，好開心畀我衝贏咗！」
「38歲仲贏冠軍，你係咪傻架？」對於友好記者的發問，心情靚爆的阿寶答：「就嚟收山都攞到冠軍，感覺幾得意！企喺頒獎台嗰陣我真係諗『唔通又唔退得住』！之後同其他車手合照嗰陣，我同佢哋講『今屆可能係我最後一次』，點知個個都話唔好！」至於是否踩埋奧運，他就話順其自然。
連同阿寶這面金牌，港隊今屆可謂取得大豐收，共奪13金6銀7銅，成為獎牌榜一哥。
亞青賽 91
亞洲賽 01,12
亞運會 98,06,10
全運會 97,01,09