初中年冊都值3萬9 「林瘋」勢不可擋

【本報綜合報道】林書豪一舉成名，一切有關佢嘅物品亦有價有市，日前有人將「林書豪初中年冊」放上拍賣網eBay拍賣，該本初中年冊有林書豪初中時嘅照片及簽名，原本只係一本封塵刊物，但因為林書豪成名後升價N倍，在eBay竟以５千美元（約3.9萬港元）成交。

至於有台灣旅行社雄獅旅遊日前就食住林書豪條水，推出「林書豪8天加油團」，包括紐約5天住宿，睇波兼遊美國，團費為39,900萬台幣（約10,500港元）。

此外，林書豪爆發亦有助台灣運動餐廳生意上升，全因唔少球迷都訂枱邊食飯邊睇紐約人比賽，有業界人士指出，如「林瘋熱」持續1年，至少可為台灣飲食業帶來逾億元新台幣收入。