車路士青訓5級制
車路士青訓系統共分5級，何靖也今次去英國受訓，由於獲得Dave及山度士推薦，一去到就插班加入第2級ETC，能否升上最頂級嘅青訓學院，就要睇Yahoo受訓時嘅表現。
Dave表示，車路士青訓系統有5個級別，最初級係第5級嘅Soccer School足球學校，之後係第4級Advance進階班，再上係第3級Invitation邀請班，跟住係Yahoo加入嘅第2級ETC（Elite Training Centre）精英班，第1級就係Academy青訓學院。當成長至16至18歲，表現最出色學員將有機會獲得球會一紙合約，躋身職業足球領域。
車仔青訓系統採逐層淘汰，級別愈高，人數愈少，ETC精英班約有5組，每組學員人數不多於16人，Dave指出，此級別學員不限英國本土青少年，來自世界各地學員都會加入，Yahoo在這個級別將面對全球性嘅激烈競爭。