英國寄宿 年花40萬 何父︰阿仔嚟真嘅！
何靖也去到英國寄宿，花費唔嘢小，何父表示，囝囝在彼邦學費連生活費，每年大約要3、40萬港元，讀到大學畢業大概要使成400萬，況且個仔依家有機會做車路士球星，呢啲錢點都要使！
Yahoo抵達英國，新學期將會入讀當地寄宿學校King Edward's School，一邊繼續學業，每逢周五就去車路士青訓中心受訓。何父說：「我自己唔係太熱衷睇波，但囝囝就好鍾意，呢幾年陪住個仔周遊列國打比賽，最遠去到歐洲。」
何靖也去年在歐洲打完一場賽事，大敗於對方腳下之後，就同老竇講：「我要做職業足球員，我要認真練波！」何父認為，今次阿仔係嚟真嘅，而且經濟上許可，於是索性早啲送佢去英國讀書，等佢完成心願。
何父稱：「Yahoo做唔做得成球星，大概16歲左右就會知，就算唔踢波，都可以繼續讀書嘅。」