莫湯保涉黑金交易
【本報綜合報道】「封阻王」莫湯保退役後忙於為慈善出力，好好先生形象深入民心，不過呢位「姚明師傅」近日就捲入一單黑金醜聞，據《休斯敦紀事報》爆料指，莫湯保竟然充當中間人，從老家剛果販運黃金到美國，從中牟取暴利。
莫湯保退役後游走於政界及商界，同時亦活躍於慈善工作，不時以籃球大使身份行善，但原來呢個只係佢嘅表面。聯合國兩周前曾指出，有人正試圖從剛果販運黃金到美國德州，而最新一份報告更透露中間人正是莫湯保。
向《休斯敦紀事報》爆料嘅人士指，莫湯保作為中間人，透過自己親戚，幫德州一位石油大亨用1,000萬美元從剛果購入逾千磅黃金，然後販運美國轉手。有指事件東窗事發，全因莫湯保見利潤高想獨吞黃金賺錢，因而被其餘「參與者」爆大鑊一拍兩散。其實剛果政府一向對黃金出口十分嚴格，所以有傳莫湯保在老家「疏通」先至成事，若然警方查出事件屬實，莫湯保肯定會被起訴。
湖人完場前絕殺小牛
賽事方面，昨日湖人憑老將費沙在最後3.1秒射入3分，以73比70絕殺小牛，報回上季季後賽被對手橫掃之仇。
至於美國終於官方公布了備戰倫敦奧運嘅新夢幻隊名單，總人數為20人，格芬及艾迪列治成為了新面孔。