渡海濠情：無懼鹹豬手 着數多到嘔
相信好多女孩子都怕遇上「鹹豬手」，但今日介紹嚟自打令1浴室嘅靚女技師小玲，佢就話唔怕，而且仲話每次遇上鹹豬手，都會為佢帶嚟好運，唔係咁騎呢呀？
阻嚇作用
小玲話：「讀書時從來都唔知乜嘢係鹹豬手，就算有人手多多，我都不以為意，到出嚟做嘢，周不時都畀男上司同男同事抽水，係啲女同事睇唔過眼，問我點解畀人鹹豬手都唔出聲，呢個時候我至知原來畀人毛手毛腳，就叫做鹹豬手，而且係可以拒絕對方，遇啱心情唔好，仲可以大聲鬧對方一餐。」咁有冇試過鬧人呀？小玲認真想咗一陣：「冇喎！畀人摸吓，我真係唔覺得係乜嘢一回事，但有時我會喺女同事面前，鬧吓啲男人，話佢哋衰格呀、討厭之類！」小玲咁樣鬧人，邊有阻嚇作用o架？
出埠公幹
小玲話：「其實唔太過分，我一啲都唔介意，而且仲可以增進同事間嘅感情，佢哋周不時都請我食晏，或者收工請我去Happy-hour，如果係男上司，佢仲會不斷畀機會我，我就試過陪上司坐飛機出埠公幹咗幾次咁多，等於免費去旅遊呀！」咁有冇蝕底咗畀上司先？小玲話：「我點會唔知啲男人想乜？我頭幾日一於紮佢炮，期間又食又玩又買，全部要佢哋埋單，如果氹得我開心咪喺最後一晚滿足吓佢囉，計落我着數晒至啱！」難怪唔怕畀人鹹豬手啦！原來咁識攞着數，服咗你囉！
小玲Profile
年齡：20歲
三圍：33、23、34
撰文：賢 攝影：阿德