【本報綜合報道】尋日嘅常規賽，巫師喺主場以72比93不敵木狼，開咧八連敗，係今季唯一一支仲未開齋嘅球隊。木狼今場有路夫取得「雙雙」20分及16個籃板，而列比奧就貢獻13分及14次助攻，表現愈來愈好。
另外，曾經同傑特與占積遜在90年代組成「小牛3Ｊ」嘅馬殊賓，唔經唔覺已經退役接近六年，原來馬殊賓喺場外比場內更成功，退休後成為生意人，如今已坐擁34間Outback Steakhouse餐廳及37間Papa John's薄餅店，還有汽車代理及地產公司等業務，躋身「富豪」之列後佢仲想收購黃蜂過班主癮。
ＮＢＡ球星退休之後都因為豪賭、大花筒等行為令到經濟出現問題比比皆是，不過馬殊賓就例外，佢用自己多年賺落嘅波糧錢搵錢做生意，依家已經成為一個超級富豪，有望成為米高佐敦之後，另一名前球員做班主。
