Elke今年四月出道，現時主力參與模特兒及廣告工作，早前佢就憑住清純性格及健康形象，接咗個禁毒平面廣告，宣揚正面訊息。
「一提起我，好多人就會諗起呢個廣告。因為之前冇乜拍廣告硬照經驗，所以當日拍攝時都好多趣事。因為主題係禁毒，所以我初時都擺個正經樣出來，但就畀人話好呆，所以最後我都要微笑。另外，嗰日我本來搽咗黑色指甲油，但可能太野性啦，最後被人改咗粉紅色。仲有呀，拍嗰陣因為要營造飄逸感覺，我畀把大風扇吹咗兩個鐘，但出嚟效果好好，我好鍾意。」
