明早NBA季前熱身賽上演重頭戲，由熱火主場對魔術。熱火剛宣布與教練史普斯達續約，令早前盛傳萊利會出山執教嘅傳聞不攻自破，會方並冇公布合約條款，經常被球迷指唔夠班嘅史普斯達，相信可鬆一口氣，今仗對魔術正好係佢表演好機會！（now 635周一早上7時直播）
史普斯達執教熱火3季，戰績148勝98負，上季坐擁3巨頭勒邦占士、保殊及韋迪，依然無法奪得總冠軍，令史普斯達備受壓力，但近年退居幕後嘅萊利無意重執教鞭，故決定繼續搵佢頭號馬仔史普斯達擔任呢個三煞位。