認識雲妮莎前，高比曾與3個女人拍拖，1號女友係歌后Brandy Norwood，96年高比成名之初時被傳媒爆出二人有曖昧關係，就連高比仔自己都曾承認與Brandy有過約會。
高比2號女友叫Jocelyn，拍拖期間一直默默支持高比，對愛郎千依百順，就連高比父母都認定佢係未來新抱，不過最終二人喺01年分手收場。
3號女友係曾喺費城德雷塞爾大學讀書的喬西妮，聰明又漂亮，她不僅支持高比打波，更熱心幫高比照顧其家人，對高比死心塌地，一直認為自己遲早是「高比太太」。據悉高比準備與雲妮莎結婚時，仍與喬西妮保持聯繫，喬西妮直至知道高比結婚時，才夢醒離場。
同歌星Britney Spears傳過緋聞，據悉有人曾拍到Britney曾穿住高比的24號球衣出現，後來被傳媒追訪下，原來Britney「冧」上湖人另一球星禾頓。
03年夏天，高比在進行膝部手術時，被控性侵犯一名19歲女大學生，隨即陷入一拖長達14個月之久嘅「性侵犯風波」，呢件事亦係高比拜仁人生一大污點。
今年10月初，有傳媒爆料高比與維埃里前女友梅麗莎薩塔共度良宵，據悉佢喺米蘭參加商業活動期間，高比喺派隊上邂逅薩塔，兩人當晚就返咗高比下榻嘅酒店，薩塔至第二朝才離開。