維度爾+舒麥加 德國兩代車神合力捧國家盃
兩代車神「拍住上」為德國奪五連冠！新「車神」維度爾剛剛成功衞冕F1，捧走一級方程式世界總冠軍，昨日就夥拍「老車神」舒麥加出戰在杜塞爾多夫舉行的「Race of Champions」(ROC)王中王大賽，大批鄉里支持下怎可失威，最終合力第五年奪得國家盃，大飲香檳慶祝！
ROC是每年賽車季尾的盛事，雲集各項賽車的現任及前度世界冠軍在足球場上所設的賽道比併，以兩人為一組輪流作戰。合共在F1車壇奪得9屆世界總冠軍的維度爾及舒麥加，這個「超級陣容」未開賽都已經嚇窒對手，他們先在準決賽以2比1擊敗F1車手畢頓領軍的英國，繼而在決賽以2比0戰勝八屆勒芒24小時賽車冠軍丹麥加斯甸遜及芬蘭拉力賽車手夏連組成的北歐隊。
五連冠「互隊」香檳
「五連冠，真係好特別。」維度爾賽後相當興奮，捧起巨型獎盃後即刻親吻一下，更與舒麥加「互隊」香檳，他形容要征服其他類型的戰車實在不易：「當你跳上唔同種類嘅戰車，其實好容易會輸，所以要將自己推到極限。」舒麥加亦補充：「能夠再次喺呢個獎盃刻上自己嘅名字，實在感到驕傲。」不過，兩代車神今日就會由隊友變為對手，爭逐ROC個人項目。