對住3個美少女，當然要八吓佢哋鍾意乜嘢類型嘅男仔啦！讀緊浸大嘅Icy話鍾意內涵型男士：「我覺得男仔外表一啲都唔重要，靚仔與否我根本唔care。兩個人相處最重要係有feel，總之夾到就得啦！我好着重心靈溝通o架！」
Janelle又點先？「我就喜愛陽光大男孩，要out going同大隻健談嘅，因為我好鍾意運動，拍拖嗰陣可以一齊去玩嘛！我拍拖對象一直都係呢類型。」至於18歲嘅Vanessa，雖然年紀最細，但原來最有要求﹕「我鍾意成熟穩重型，EQ要高、思路要清晰、仲要有領導才能！年紀要大我一截，一定要錫我。其實我對愛情真係有啲攰喇，我真係想安定落嚟，我恨嫁囉！」