吳安儀重返校園做「兩棲書蟲」

兼顧桌球學業恨入U

剛開學兩周的安儀，闊別校園3年再做學生笑稱「好興奮」：「再讀書並冇唔習慣，反而覺得好充實，一星期有3晚要上堂，唯一擔心係唔夠出席率，畢唔到業。」安儀經常出外集訓及比賽，目前體院正代她向校方申請豁免出席率，她表示能兼顧桌球及學業，辛苦一點也不計，更希望可以升讀大學，即使要加深近視度數亦在所不計。

拍拖半年男友曝光

安儀當年會考成績只得1分，但回望過去她未言後悔，因為桌球為她帶來一段難忘的歷練。安儀昨日於「2011香港女子英式6個紅球公開賽」季軍戰以4:3不敵隊友蘇文欣，但仍以一桿71度的最高度數奪走1,000元獎金。

雖然比賽失利，但獲拍拖半年的男友上前安慰後即笑逐顏開，安儀亦大方公開男友身份：「我們於桌球室上認識，大家算是有同樣興趣，其餘就是秘密喇！」明日安儀將與另外3名隊友出發英國備戰排名賽。

「2011香港女子英式6個紅球公開賽」煞科，余晶晶（右）粉碎4屆冠軍葉蘊妍的「五連冠」美夢，激戰9局險勝5比4封后。

吳安儀雖然輸波，但有男友撐場，即刻冧晒。