費達拿未分得出孖女！

瑞士天王費達拿兩位孖生「小公主」已經兩歲，但佢哋頭形、眼睛及臉頰幾乎都一模一樣，就連「費爸爸」有時都難以分辨，佢話：「係呀，有時真係要睇多兩眼，諗多兩分鐘，到最後都可能會搞錯，哈哈！」「費爸爸」已開始為愛女選擇學校而「頭痕」。不過，佢昨日出戰台維斯盃世界組附加賽，反勝澳洲老將希域，為瑞士總成績扳平1比1。