健康餐單吹入NBA 杜蘭特同炸雞拜拜!
拒絕「三高」（高血糖、高膽固醇及高血壓）是全球推行的健康訊息，最近國際體壇亦掀起「健康飲食」風氣，運動員的食譜已是爭取佳績的一個關鍵因素，網壇世界「一哥」祖高域自從「少肉多菜」後，戰績大爆發就是一個好例子，而上季NBA常規賽「得分王」杜蘭特亦自爆已同「垃圾食品」講拜拜，就連自己最喜愛的炸雞都忍痛戒掉，為求來季有更佳表現。
塞爾維亞球星祖高域改善食譜後，網壇不少名將都加入「健康飲食」行列，英國的梅萊、美國的費殊都「有樣學樣」將自己的成績提升。効力雷霆的杜蘭特，最近接受訪問時自爆也已改變飲食習慣：「最近真係食多咗好多蔬菜，遠離紅肉同快餐，即使佢哋實在好好味，但我會盡量同佢哋講拜拜。」
聘廚師安排健康飲食
好多球迷都知杜蘭特最鍾意食炸雞，他今年更選擇了雞翼連鎖品牌Wingstop作為自己訓練營的贊助商，甚至曾考慮為Wingstop作代言人，但要知道一個運動員如果大量攝取油炸食物，對身體只有害無利，杜蘭特亦明白這點，要同「炸雞」Say Goodbye，更聘請一位廚師專門為他安排一日三餐，這位廚師更要兼任營養師，確保杜蘭特每天都能遠離高脂肪食品。
杜蘭特的隊友哥連遜對他的改變亦十分支持：「佢明白健康食品嘅重要性，我相信佢嘅改變，對佢新賽季會有正面影響。」
杜蘭特Profile
年齡：22歲
位置：前鋒
身高：2米06
體重：104公斤
効力球隊：雷霆
主要個人榮譽：
NBA得分王、最佳新秀、世界賽金牌、世界賽MVP