第13屆世界田徑錦標賽今日在南韓大邱揭幕，外號「閃電俠」嘅牙買加短跑巨星保特，將會喺男子100米預賽亮相，由於幾位強敵均告退出，令保特嘅衞冕路途相當平坦，呢塊金牌真係十拿九穩！
（now 635周六下午5時55分直播）
首日賽事產生兩面金牌，分別係早上展開嘅女子馬拉松同晚上嘅女子10000米決賽，不過全日焦點就落喺保特身上，今日男子100米預賽，佢嘅主要對手包括牙買加隊友鮑維、穆寧斯同美國名將基爾都冇參賽，保特真係想輸都難！
男子100米決賽周日舉行，保特嘅奪金賠率熱到得番1.16至1.2倍，不過破世界紀錄嘅賠率就有7倍咁多，保特話自己未有十足狀態，所以攞金牌應該冇問題，但係破世界紀錄就忟水啲嘞。