「粒粒顯關懷」長者最窩心
在中國人的社會中，白米乃不可或缺的食糧，隨着通脹不斷攀升，米價持續上揚，令清貧家庭叫苦連天。為減少支出，不少長者或須改以雜糧果腹，與富裕的社會成強烈對比。東方日報慈善基金舉辦的「粒粒顯關懷」活動，過去十四年從無間斷、每月為逾五千名清貧長者送上白米，讓長者可免「無米之憂」。活動有賴善長慷慨捐助，讓更多長者受惠。
入住秀茂坪邨長者屋已有十四年的霍明現年七十七歲，年輕時當水喉匠，奔波勞碌的生活令明伯養成「餐餐要食飯填飽個肚」的習慣，「後生嗰陣成日走嚟走去，一定要食飯先有氣力四圍去做嘢，所以我係一個大飯桶！」
今時今日要當上一個飯桶亦非易事，明伯坦言曾因「冇錢買米」，改以雜糧充飢。直至受惠於贈米計劃後，才不致「憂柴憂米」，「我呢個飯桶攞咗『東方米』成十幾年，食嘅米加起嚟已經唔知有幾多個『桶』嘞！」風趣幽默的明伯指最近發現膽內長有腫瘤，幸屬良性，留醫月餘後，近日才康復出院。大病初愈，明伯精神雖大不如前，但亦自有一番領悟，「依家梗係食得就食啦，每一餐都係賺番嚟嘅，仲要繼續食『東方米』，要食多好多『桶』飯！」
「每月送上門 係最好嘅安慰」
同受惠於贈米計劃的潘弟則已八十九歲高齡，直言計劃除每月有專人送上白米外，還可減少一項支出，令潘婆婆「慳唔少」，「唔單止慳錢，仲有人送埋畀我哋，可以慳番唔少腳骨力！」潘婆婆指過去十多年來，每月從長者屋社監手中接過的並非只是白米，內裏還包含深層意義，「如果有人可以連續十幾年、每個月都記得送一樣嘢畀你，呢個就係最窩心嘅禮物、最好嘅安慰！」
能讓逾五千名長者每月都能獲得溫飽殊不簡單，倘能集合更多善長的力量、廣集善款，不但可以繼續為長者們送上既能填飽肚子、又滿載祝福的白米，甚或令更多長者受惠。
捐款編號：16333
記者：梁少儀