麥艾萊認界掂禾妹

不認不認還需認,高爾夫球新貴麥艾萊同「網壇一姐」禾絲妮雅琪近日行得好埋,成日糖黐豆但又冇公開話拍拖,搞到班狗仔隊追到氣咳!不過,昨日麥艾萊終於「招供」,喺專訪就話「速界」禾妹得手,正式畀佢「女朋友」身份。

女朋友稱呼丹麥甜心

年僅22歲嘅北愛爾蘭球星麥艾萊,自從贏得英國公開賽後就人氣急升,冇耐仲宣布同拍拖六年嘅女友史葦妮分手添。不過,估唔到一個月後就「速界」禾妹成功!佢昨日喺一篇專訪就首次以「女朋友」稱呼有「丹麥甜心」之稱嘅禾妹:「即使我同女友玩嘅項目唔同,但我哋年紀同背景都好相近。」

美網前最後熱身嘅紐黑文網賽,禾妹喺男友「跟得撐場」下打入四強,如果Keep住個勢,禾妹喺美網贏到冠軍,打破「無冕一姐」污名,佢兩個就正式成為「大滿貫情侶」嘞!