賓斯馬「瘦」氣逼人
賓施馬繼早前對哈化柏林時梅開二度後，前晚又一傳一射助皇馬2比1擊敗李斯特城，佢表現咁好全因減肥成功，上季收咧後嚴格遵守球會特製飲食餐單，並用咗4,170歐元（約47,000港元）去意大利接受減肥治療，結果輕咗15磅，難怪昨日步出機場時「瘦」氣逼人，成個弗晒。
使4萬零蚊減15磅
今次賓施馬係聽咗前輩施丹建議，去意大利一間診所接受為期一星期減肥治療，呢間診所堪稱「名人醫療室」，事關球王馬納當拿、女星莎朗史東、摩納哥王妃都幫襯過，施丹自己亦係常客，每年都會去做「排毒療法」。診所為客人度身訂造減肥餐單、按摩及體能訓練，費用5萬港紙有找，超抵！