明年加隊搞大佢！
引入外援制的超聯，連續兩年大收旺場，籃總主席陳瑞添昨表示明年賽事有望增添1至2支球隊，增加觀賞性，亦稱已有球隊向他表明有興趣參賽。
「添哥」坦承搞超聯沒錢賺，去年更要蝕錢，但他表示沒所謂，最重要是球迷睇得開心：「蝕都冇問題，我哋志在推廣本地籃球，亦望更多人入場欣賞呢啲賽事。」陳瑞添續稱，明年超聯已確定會繼續舉行，而且有望增加球隊數目：「詳情要再開會商討，或會增加1至2隊，重要嘅係雖然會有多啲外援、球隊，但唔會調高票價。」對於超聯會否考慮移師至座位更多的灣仔伊館，「添哥」則稱需要早一年預訂場地，故未必趕及籌備。