Phoebe近排除咗忙於宣傳寫真集之外，仲忙緊拍戲，佢話拍由王家衛執導嘅《一代宗師》令人難忘：「聽人講呢套戲真係拍咗好耐，我喺嗰度見到有個臨時演員拍咗兩年，仲搞到同導演熟晒，都幾得意！喺套戲入面我係做一個歌女，雖然我唔使打，但睇見佢哋打得咁落力，自己將來都想做個打女！而我亦曾經同梁朝偉同場演出，覺得佢真係好型，眼神好煞食，但我唔會畀佢電暈嘅！」
