為咗迎合女士玩Wakeboard，唔少裝備都特設女士專用版本！就好似救生衣咁，亦唔再係老老套套兼平平無奇，有啲設計仲好靚、好潮添，但記得用之前要試清楚Size，因為佢隨時係救你一命嘅法寶。
講起救生衣，就唔可以唔提採訪當日一件趣事。話說教練準備咗一件幾得意、有肚兜圖案嘅女裝救生衣畀Phoebe着上。點知佢嘅34D上圍實在太勁爆，搞到救生衣拉鏈點拉都拉唔埋，最後Phoebe要用大Size嘅男裝救生衣，真係幾搞笑！
