就咁睇，花式尾波滑水可能係滑浪同滑雪板嘅親戚，再上維基睇，好易查到Wakeboard起源嘅官方說法，但坊間有另一講法都幾搞笑，就係起源於啲人玩滑浪時玩到蕩失路，餐餐都要call快艇接回，久而久之演化成Wakeboard運動。
花式尾波滑水嘅玩法，同滑浪好相近，但變化較多，玩滑浪嘅先訣條件係要好大浪，但Wakeboard就利用快艇嘅衝力，再配合船尾翻起嘅波浪做各種花式。
初階玩者，只需拉住手柄再掟幾個彎已經好足夠，再上一個層次，就要根據波浪做各種跳躍動作，再高階嘅玩者，可以做更多翻騰，甚至凌空轉體，而現時世界級選手，都會提高船速玩「浪疊浪」，以及使用跳台提升跳躍高度，刺激度同難度無止境！