Jeana絕殺宅男體操技

運動除咗令人健康，更可令身體更靈活，一啲體操動作仲會令人筋骨柔軟，女士們亦可藉此擺出唔同Pose，將潛藏體內嘅女人魅力極致咁散發出嚟！講到性感得嚟又有運動美感嘅「經典Pose王」，就離唔開拱橋、倒立、大字馬三項「體操技」。不過，除咗Pose夠靚外，呢幾招仲可以紓緩頸梗膊痛，對於成日要坐嘅O.L.簡直係Good。但大家做之前記得要拉鬆啲筋，唔係就會好似「索模」Jeana咁，慘叫聲嗌爆喉嚨先做到架嘞！
大字馬<BR>最重要係大髀內側條筋夠鬆，盡量撐開對腳，雙手向前方地下伸，但記緊要做熱身。
大字馬
最重要係大髀內側條筋夠鬆，盡量撐開對腳，雙手向前方地下伸，但記緊要做熱身。

咪睇小拱橋、倒立、大字馬嘅威力，蔡依林同楊丞琳喺演唱會時一騷呢幾招，就引嚟fans瘋狂尖叫，就知「體操技」絕對係女性提升魅力嘅絕招！即將推出寫真集嘅「索爆o靚模」Jeana（何佩瑜），就決定有樣學樣，向跳舞組合「Bro5」成員Ben同Laying求教，務求挑戰呢個模特兒Posing極限，增強視覺效果冧宅男！

拉筋熱身循序漸進

平時成日見人玩拱橋，但講到自己親身去「拱」，Jeana反而係第一次，結果就落得慘叫下場：「真係好辛苦，由於平時少做運動，又冇乜拉筋做熱身，搞到做嘅時候痛到入心入肺，『魂魄唔齊』感覺自己好似鐵達尼號咁，條腰中間斷開咗！」負責教拱橋嘅Laying就話拱橋除咗靚之外，仲可以鍛煉背肌，亦可以鬆弛頸椎腰椎。

對於成日坐嘅人頸腰都彎住，Laying提醒做多幾次拱橋就會舒服好多，但記住要循序漸進，次數由少到多，幅度由細到大。不過，Laying亦揶揄Jeana可能因上半身「太重」，有啲「阻滯」先會做得咁辛苦！

拱橋<BR>先放鬆瞓喺地上，再以手掌掌心向下，四肢同時發力，慢慢咁撐起成個身。
  • 拱橋
    先放鬆瞓喺地上，再以手掌掌心向下，四肢同時發力，慢慢咁撐起成個身。
倒立<BR>初學者最好以每次10秒為佳，熟練後可長至2分鐘。鍛煉時合埋雙眼，集中意念。體質較差嘅就可以靠牆半倒立。
  • 倒立
    初學者最好以每次10秒為佳，熟練後可長至2分鐘。鍛煉時合埋雙眼，集中意念。體質較差嘅就可以靠牆半倒立。
鬼喳3連發！
  • 鬼喳3連發！

高血壓人士 倒立咪試

至於同樣令Jeana慘叫嘅大字馬，阿Ben就話呢個動作要點係撐開對腳直至覺得痛為止，再Hold住十幾秒就ＯＫ，最好係兩個人一齊做，互相出力拉向對方。

另外，倒立動作除咗展現出Jeana嘅「倒瀉」效果外，據阿Ben所講，每日有意識咁做短時間，會快速而有效咁增加腦部血流量，增加腦血管嘅抗壓性同柔韌性，並令疲勞感覺得以緩和；但記住呢個動作絕對唔啱高血壓人士，否則好易出事！

  • 放大圖片
Laying（藍褲）同Ben「捉住」Jeana做拉筋，搞到佢「鬼殺咁嘈」！
  • Laying（藍褲）同Ben「捉住」Jeana做拉筋，搞到佢「鬼殺咁嘈」！

圖／文：司徒子文