今日足球賽事馬會冇開盤，相信好多人都會覺得靜局，如果早起身嘅話，推介一場WNBA直播波畀大家，由亞特蘭大夢想主場對鳳凰城水星。夢想被視為奪標熱門之一，但季初表現令人失望，今仗面對以Run & Gun（跑轟戰術）打法聞名嘅水星，隨時再出醜！（now 635周六早上7時30分直播）
鳳凰城水星打法進取，得分能力相當強，平均每場攞90.4分，喺聯盟排第二，僅次於聖安東尼奧銀星，主將杜派莉手風極順，今季平均每場攞19.8分，喺射手榜排第三，佢哋上仗作客擊敗銀星表現甚佳，今仗作客夢想有力再下一城。
亞特蘭大夢想係上屆東岸冠軍，但今季表現完全唔對辦，更係WNBA輸盤王，睇怕今場都好難反彈！