為阻永倫喺Playoffs「三連霸」，南華隊長譚偉洋今晚「玩命」！喺三個月前因髖關節軟組織磨損而長抖嘅譚偉洋，雖已喺上場四強戰落場復出，但擺明佢嘅狀態仲未得！
為咗操番Fit自己，阿洋近呢幾個禮拜勁操體能，但反而令受傷地方隱隱作痛，若今晚有乜差池，絕對有機會損害佢嘅運動員生命！教練梁達強亦話要到今晚開波前，先決定阿洋會唔會落場：「我知佢好想打，但真係要睇番佢仲痛唔痛，我唔想佢攞自己嘅籃球生涯嚟『較飛』。」