永倫今屆狀態Fit到爆，連同銀牌賽及常規賽都保持長勝紀錄，今次出戰總決賽更有一大數據力撐衞冕，就係自甲一設立Playoffs之後，永倫每逢打入總決賽都100%奪標，如果相信「冥冥中有注定」嘅話，永倫就真係Sure Win！
自○五年本地籃球賽改制後，永倫四度打入總決賽都贏冠軍，所以今次能夠再打入終極戰，可以話係奪冠先兆。另外仲有一個「宿命論」，就係邊個贏到總決賽第一場就會係最終盟主，六屆以嚟呢個鐵律風雨不改，所以兩軍都對今晚「關鍵戰」相當重視。
雖然今屆曾三度擊敗南華，但永倫領隊林植昌就話呢啲嘢經已係「過去式」：「如果之後幾場總決賽贏唔到，咁之前贏幾多場都冇意義！雖然對方有隊長譚偉洋復出，但並唔代表我哋會為咗佢而改變一貫打法，『做好防守、搶到籃板、再做快攻』就係永倫！」
場次 日期
第一場 6月21日
第二場 6月25日
第三場 6月28日
第四場* 7月5日
第五場* 7月8日
註：*若有需要