今次同大家睇吓印尼足球，近年當地賽事水平顯著提升，成功吸引唔少外援去當地搵食，名牌球隊佩斯普拉擁有南韓、尼日利亞及喀麥隆等地嘅外援，整體實力甚強，今屆喺亞協盃成績理想，分組賽兩戰南華取得一勝一和，現時已經殺入八強，表現對辦。
佩斯普拉連亞協盃都踢得掂，返到國內梗係惡氣十足啦，印尼超級聯賽踢到尾聲，佢哋已經提前取得聯賽冠軍，餘下兩戰只屬例行公事，鬥志難免較差。佩斯普拉今日會喺聯賽出擊，將於主場迎戰下游分子柏列達查耶，主隊近排愈嚟愈hea，相信未必贏到。