奧尼爾在02年與香妮結婚，多年來不斷背妻偷食，到07年提出離婚，最諷刺係「巨無霸」竟唔想被「分身家」而收回申請，不過兩人最終都係分道揚鑣。
由奧尼爾與其他運動健將比併嘅《Shaq Vs》電視節目深受歡迎，但原來條橋係奧尼爾從前隊友拿殊身上偷番嚟嘅。奧尼爾被揭發後將《Shaq Vs》監製一欄加埋拿殊個名，之後仲畀咗一大筆金錢過拿殊作和解。
奧尼爾「偷食」已屬家常便飯，最荒唐係被爆偷嗒「狂人」亞連拿斯老婆羅拉五年，可憐亞連拿斯「戴綠帽」竟然毫不知情，上年至決定與羅拉分手。