經常聽到人哋話做運動要「每周三次，每次最少15分鐘」先有效，究竟點解呢？身為FitBabie嘅Lulu當然知啦：「首先要講吓點解係15分鐘！因為喺我哋運動嘅頭10分鐘，身體係唔會燃燒脂肪，而係用緊醣類等能量，要等到運動超過10分鐘後先會開始用到脂肪。所以如果想要靠運動減肥，每次運動最少要捱到15分鐘，當然時間愈耐效果就愈大啦。」
「又點解要每周至少運動三次呢？咁係因為每次運動過後，所提高嘅新陳代謝速率可以維持24小時咁耐。亦即係話，如果你星期一下午做運動，咁樣效果會持續到星期二嘅下午，所以你只要喺星期三下午再做運動，咁計法一星期做三次，就可以有『最低消費』嘅持續效果。」