大帝6趾照網上瘋傳
熱火「兩巨頭」勒邦占士與韋迪在總決賽Game 5前扮咳揶揄「德國槍」，早遭傳媒及網民群插，「苦主」魯域斯基尋日開腔還擊，怒指兩人幼稚及冇教養，無疑為今晨於邁阿密舉行的Game 6宣戰！總成績領先3比2的小牛若能贏波，就能歷史性首度封王。另外，網上近日流傳了一張「大帝」除鞋照，占士右腳疑似有六隻腳趾。（高清翡翠台、now 635、有線165台、廣東體育及中央5台周一早上8時直播）
韋迪否認惡搞德國槍
眼見扮咳成為全民公敵，韋迪即死撐唔認「惡搞」：「根本就唔係扮咳，我當日真係有咳！再者我哋冇指名道姓話扮魯域斯基，全世界唔係得佢一個人病緊囉！」至於「大帝」則繼續囂張地表示唔會為事件作回應。
「大帝」近期的確「四面受敵」，據美媒《MediaTakeOut》爆料，占士在總決賽表現低迷全因受到小牛「噴射機」嘅侮辱說話所影響。據一位熱火球員指出，泰利在場上不斷向占士「噴口水」，用佢女友紅杏出牆及阿媽姊弟戀等事情作「武器」，令占士情緒大受困擾，無法集中精神比賽。
本報綜合報道