熱火陷於苦戰，中鋒保殊希望可借助親情嘅力量，助球隊反勝。保殊同前女友馬西絲有一個兩歲嘅女，目前兩人正爭緊監護權，保殊希望囡囡可以嚟球場睇爸爸比賽，所以向法庭申請，希望佢前女友同意畀佢個女嚟睇波。
保殊同緊佢前女友馬西絲爭女兒嘅監護權，但根據法院嘅臨時安排，個女依家跟緊佢媽媽，保殊為咗個女可以嚟捧場，向法庭提交咗申請書。保殊話：「依家係我職業生涯最巔峰及美好嘅時候，可能一生人只有一次機會，我希望個女可以同我一齊見證。」
此外，保殊亦希望可同前女友庭外和解，甚至願意作出賠償，希望可以得到女兒嘅撫養權。據悉，臨時監護權啱啱喺比賽前一日屆滿，所以保殊有機會如願以償，帶埋個女觀戰。