廣州比賽情挑裁判
奈生美○八年獲邀去廣州參加國際乒乓球邀請賽，難得出到大場面，呢位球手當然唔會放過出位機會啦，於抽籤儀式身穿黑帽、黑裙、黑絲襪同黑鞋現身，比賽時改着黑色露肩裝，頭戴住大紅花，陣上同對手及觀眾不斷互動，更走向場邊向裁判拋媚眼，表現非常嬌嗲，風騷到暈。
奈生美身形細粒，擁有甜美笑容，年初推出個人寫真集《Yotsumoto》，吸引唔少球迷注意，本書標榜所有服裝全屬佢設計，仲有着便服打波相，當中唔少性感照都有露出「事業線」，盡騷豐滿身材，令無數宅男流晒鼻血，難怪已被網民評為史上最性感乒乓球手。