【本報綜合報道】現有嘅NBA勞資條款將在今年六月尾屆滿，可惜勞資雙方一直未能達成共識，導致NBA下季出現停辦危機。NBA球員工會日前就為球員推出一本《停辦手冊》，教一眾球星如何度過冇糧出嘅日子！
由於NFL勞資雙方傾唔掂數已決定停辦，NBA大有可能步其後塵，下季冇比賽，難免要給球員一個心理準備。今次嘅《停辦手冊》厚達56頁，大部分資訊都係教導球員在這段時間減少開支，盡量避免買車、買名牌物品及珠寶等奢侈品，另外亦要避免豪賭，好好處理個人財產。其中略為搞笑係手冊中甚至建議球員嘅太太都要考慮出嚟打工，幫補家計。
事實上，NBA此前亦試過因勞資糾紛停比賽，熱火老將祖雲侯活表示有咗上次經驗，若然再度停辦一定會節約用錢，度過危機。