第60屆NBA全明星賽明早在洛杉磯斯台普斯中心上演，雖然西岸明星隊今屆續有主場之利，但外界卻一致睇淡佢哋重奪錦標，皆因東岸明星隊有「七巨頭」壓陣！東岸除坐擁熱火「鐵三角」外，塞爾特人「四大天王」亦齊齊入選，單係默契已勝一籌。反觀西岸陣容較為雜亂，加上主人家高比拜仁近期與湖人陷入低潮，想喺主場贏波兼第四次捧起明星賽MVP寶座，的確有點難度。（無綫高清翡翠台及now 635周一早上9時直播）
單從今屆陣容比較，東岸明星隊的確略勝一籌，除了坐擁東岸一、二哥塞爾特人與熱火合共七名主力外，今季亦獲得史杜迪米亞「過檔」打東岸，與同被視為今季常規賽MVP大熱人選嘅戴歷羅斯，以及聯盟第一中鋒「魔獸」杜域侯活一同上陣，就算話東岸正選陣容係當今NBA最佳陣容亦絕不為過。
相反西岸就深存隱憂，首先正選中鋒姚明因傷避席，雖然教練普波維治搵來「弟子」鄧肯頂上，可惜後者年紀漸大，力量明顯及不上「魔獸」或者「A米」。而其餘正選除杜蘭特之外，另外三人近期都飽受不同事情困擾，基斯保羅與安東尼都屬交易截止日前紅人，而兩人都分別透露過離隊意願，其中「甜瓜」就被美傳媒踢爆會喺明星賽期間與紐約人高層會面，不過佢已否認。
「主人家」高比拜仁狀態低迷，湖人在明星賽前遭逢三連敗，當中包括不敵包尾大幡騎士，作為領袖嘅高比仔，自然責無旁貸。不過高比仔賽前已將常規賽拋諸腦後，並表示對以一敵七感到興奮，因為佢認為極具挑戰性。其實高比仔出名好勝，今屆喺地頭出戰一定想贏波兼搶埋MVP，若然高比仔能夠再度獲選為MVP，將超越「波神」米高佐敦及死敵奧尼爾三次，平名宿佩蒂特紀錄，以四次並列為NBA明星賽史上奪MVP次數最多球星。
前鋒 史杜迪米亞 紐約人
前鋒 勒邦占士 熱火
中鋒 杜域侯活 魔術
後衞 韋迪 熱火
後衞 戴歷羅斯 公牛
雷阿倫（塞爾特人）
加納特（塞爾特人）
皮雅斯（塞爾特人）
朗度（塞爾特人）
荷福特（鷹隊）
祖莊遜（鷹隊）
保殊（熱火）
前鋒 安東尼 金塊
前鋒 杜蘭特 雷霆
中鋒 鄧肯 馬刺
後衞 高比拜仁 湖人
後衞 基斯保羅 黃蜂
真路比利（馬刺）
加素（湖人）
比力克格芬（快艇）
路夫（木狼）
魯域斯基（小牛）
韋斯布克（雷霆）
迪倫威廉士（爵士）
被喻為最接近神（波神佐敦）的男人，高比拜仁於自家地頭單挑熱火、塞爾特人七巨頭，大家等睇好戲！
自姚明後首位亮相明星賽的新秀格芬，人氣之強不在話下，惟恐他連續參與新秀賽、入樽賽及明星賽會見疲態罷。
「反骨仔」、「八步走籃」……任你如何批評，都不能否定勒邦占士乃當今籃壇真正的星中之星。
明星賽前夕獨力殺敗馬刺，讓戴歷羅斯的常規賽MVP行情再升溫，借此良機，誓證自己是米高佐敦後最佳公牛球員。
繼湖人及活塞後，塞爾特人再有四人同時入選明星賽，皮雅斯會率「綠軍」同袍主宰今場賽事嗎？
賽事（前者主場） 讓分
周一9:00am 西岸明星隊 Vs 東岸明星隊 東讓1.5分
無綫高清翡翠台、now 635及中央5台直播
二年級隊 140:148 新秀隊(中立場)
本報綜合報道