佐敦柏賓難得聚首
【本報綜合報道】公牛主場館聯合中心昨日重現「王朝」情景，球隊「最佳組合」米高佐敦與柏賓故劍重逢，一同回到母會欣賞公牛對山貓嘅賽事，結果公牛有名將踩場下，一眾師弟發揮水準，以106比94擊敗山貓。
公牛破山貓締3連勝
曾合力為公牛奪得6次總冠軍嘅「波神」米高佐敦及「二哥」柏賓，昨日一同回到聯合中心睇波，兩人仲要坐埋一齊，全程有講有笑，搶走唔少風頭。公牛主將鄧格表示：「當你知道兩位偉大球員正在欣賞你比賽時，感覺會特別興奮！」兩位公牛重臣退休後都有不同發展，「波神」米高佐敦已成為山貓班主，而柏賓則在上年回歸公牛，擔任球隊大使一職。
公牛今場有鄧格攻入全場最高24分，加上隊友戴歷羅斯貢獻18分下，協助公牛以106比94擊敗山貓，常規賽連贏3場，不過相信「波神」佐敦賽後都好難笑得落。
休斯敦申辦2014明星賽
另方面，火箭已正式向NBA提交申辦2014年明星賽申請書，若然成功的話，休斯敦將會繼06年後再辦明星賽。