港隊鬥印度今晚8點45分開波
超級工商盃今日於伊館開打，以衞冕身份出戰的港隊，分組賽抽得下下籤，要與傳統勁旅美國南加州福建同鄉會、以及亞運十二強分子印度隊爭逐兩個出線席位！今晚港隊於8時45分迎戰印度，梁民熊認為港隊有力響頭炮：「喺亞運開幕前，港隊曾經同印度隊友賽，結果我哋『Hea打』都打成平手，所以今晚都好有信心可以贏到。」
不過，Bear亦呼籲要有球迷入場支持才能獲勝：「我哋主場出擊當然想有主場嘅氣勢，如果全場靜到好似圖書館咁就無意義啦！要知道打籃球唔同桌球及保齡球要安靜環境，愈多球迷愈嘈嘅話，我哋就打得愈勁！」