爭勝關鍵 放鬆心情
對於今場大戰，Alex話自己同隻馬準備工夫已經做足，關鍵係要放鬆心情：「雖然今場係國際一級賽，強敵雲集，『極奇妙』亦已經八歲，唔算好大機會，但如果我太緊張嘅話，到時就好難發揮水準。」
究竟點樣先至放鬆？Alex笑說：「到時唔好諗咁多，其實國際一級賽同普通賽事都係咁跑，只要贏馬，無論一級賽定五班賽，我都咁開心。」
Alex擁躉甚多，在facebook更設有fan club群組，人氣高企。
順帶一提，「極奇妙」馬主就係球圈名人、前甲組足球隊沙田班主林大輝，雖然沙田已降班，但相信仍有唔少球迷會為佢隻馬打氣。