Racing Queen爭出位鬥晒事業線
嚟喇嚟喇！車迷、龍友等到頸都長埋嘅賽車女郎終於大批殺到，天真、性感、嫵媚、冷艷要乜有乜，賽車大樓旁嘅車房更係賓虛咁嘅場面，Racing Queen爭妍鬥麗，靚女們在風和日麗之下來個大解放，鬥騷身材拋媚眼搶鏡頭博出位。
Racing Queen鬥搶鏡各出奇謀，有鬼妹穿上噴血兔女郎戰衣，亦有女孩靠靚樣取勝，可愛甫士送多個甜美笑容，不論車迷、龍友、車隊職員都暈晒大浪。
樣靚身材正攞你命
芸芸Racing Queen中，成功出位嘅要數來自珠海嘅李岩，呢位為賽車零件Speed Metal推廣嘅靚女，憑超勁事業線配合天真少女look冧盡龍友，講到搶鏡心得，佢就話：「其實只要自然就好，好多謝大家支持。」尋日就畀李岩威晒，但係RQ界臥虎藏龍，今日再度決戰，邊個獲得最後勝利都未知！
