社工系學生助學金接受申請
培育人才非一朝一夕，除學生的個人努力外，無數「未畢業先孭債」的個案揭示社會上仍有不少大學生面對經濟問題，需靠兼職與借貸才能應付動輒二十萬元以上的大學學費及生活費。為使大學生能專心求學，待他日學有所成、投身社會以協助更多有需要的一群，東方日報慈善基金與太陽報愛心基金合辦的大學社工系學生助學金計劃，旨在協助清貧學子解決經濟困難，多年來已合共撥款約八百萬元，受惠學生近八百人，二○一○至二○一一年度的助學金計劃現已正式接受申請。
「多得呢個助學金計劃，等我唔使借咁多錢同做兼職，依家我終於達成志願，畢咗業做到社工！」理工大學社工系應屆畢業生何淑芝來自基層家庭，亦為大學社工系學生助學金計劃受惠學生之一。阿芝為家中長女，入讀大學後一直為學費及生活費大感徬徨，「一家五口只係靠爸爸做保安搵七千蚊，細佬細妹仲讀緊書，屋企真係冇可能供我讀大學！」
放下兼職 專心學習
為賺取學費、生活費及宿舍費，阿芝入學後只能功課兼職兩邊忙，「最高峰試過同時做三份兼職，溫書同休息時間都冇埋！」至升讀大三時，因再要應付每星期兩天的實習課程，令阿芝忙得不可開交，難以再當兼職，「好彩申請到一萬蚊助學金，咁先有番一線曙光，等我唔使再擔心生活費！」阿芝獲批助學金後，終可以放低賺取生活費的兼職，專心學習。
已投身成為專業社工的阿芝現於輔導中心服務，專責協助曾濫用精神藥物人士，並提供復康輔導服務，「希望將所學嘅實踐出嚟，幫到人重新展開正常嘅生活！」阿芝又說，透過工作可以擴闊眼光，從處理個案過程當中獲得啟發，「幫到人自己又學到嘢！」
明年一月底截止
新一年度的大學社工系學生助學金計劃現正接受申請，擬申請者由即日起可透過所讀大學查詢，經大學推薦的申請將轉交東方日報慈善基金與太陽報愛心基金審批，截止申請日期為二○一一年一月三十一日。
捐款編號：1901
記者 徐少琴
愛心回應
「退休前我做保安，有晚唔覺意喺樓梯跣落嚟，搞到成身傷晒，醫生話我年紀大，唔幫我隻右手做手術，到依家隻手都用唔到力！」獨居的冬伯自工傷後須改靠綜援過活，早前發現洗衣機「一路洗一路漏水 」，懊惱萬分，「我冇錢買過部新機，用隻左手洗完之後要滴乾啲衫，咁樣洗法真係好辛苦！」在東方日報慈善基金呼籲下，冬伯獲善長捐款購買全新洗衣機，冬伯喜孜孜地道：「部洗衣機有中文解釋、又係全自動，洗啲衫好乾淨。依家唔會漏水漏到一地都係，又唔使驚跣倒，真係多謝啲善長！」
韓冬生： 67歲
求助物品： 洗衣機
捐款編號： 11940