黃德森：佢攞金係意料之內
「今日贏晒三場第一，卒之贏到金牌」，「阿英」奪金後第一時間即向亦師亦友的前教練黃德森發出SMS喜訊。阿Sam表示一直對這位「愛徒」充滿信心。其實賽前只是給他一句說話：「做到自己最好就得嘞！」
黃德森與李麗珊雖早已退休，但亞運期間不停Update戰果，同時又做埋「阿英」的心理輔導，阿Sam話：「佢好多嘢諗，所以包袱好大，我只係幫佢清理一下，收到佢嘅奪金訊息好驚喜，仲以為聽日先出金牌。」阿Sam稱「阿英」一向都會在最關鍵時刻突圍，不論是首奪世青冠軍、亞運會及內部選拔，故他奪金完全是「意料之內」。